Lögreglustjórinn á Suðurnesjum óskaði eftir aðstoð björgunarsveitar í gærkvöldi við að biðja fólk um að virða tilmæli um fara ekki að eldgosinu í Sundhnúkagígum.

Frétt af mbl.is

Hraun kemur úr þremur gígum: Virknin stöðug

Meðal annars var á einum stað komin rúta með erlendum ferðamönnum sem ætluðu út í hraunið í myrkrinu til að sjá eldgosið berum augum, auk þess sem Íslendingar ætluðu einnig að skoða það. 

mbl.is/Eggert Jóhannesson

Að sögn Hjördísar Guðmundsdóttur, samskiptastjóra almannavarna, kom fólkið að úr nokkrum áttum.

„Auðvitað er fullur skilningur á að það er spennandi að sjá eldgos,” segir Hjördís en nefnir að myrkur sé á svæðinu, ískalt og gosmengun, auk þess sem engin bílastæði séu fyrir bíla.

Fylgjast með framgangi hraunsins

Hjördís segir að áfram verði fylgst með framgangi hraunrennslis í dag. Í gær hafi tekist að koma í veg fyrir að hraun kæmist í gegnum gat á varnargarði skammt frá Bláa lóninu. Varnargarðarnir hafi verið byggðir þannig að hraunið kæmist ekki að lóninu og að landslagið hafi þar hjálpað til.

Tengdar fréttir

Eldvirkni á Reykjanesskaga

„Höfum sloppið bærilega með skaða af þessu gosi“

• Líklegt að farið verði af neyðarstigi í dag
• Væri komið yfir innviði ef ekki væru varnargarðar
• Hentugt gos fyrst gýs á annað borð
• Nyrstu hrauntungurnar dreifa úr sér

» Fleiri tengdar fréttir

• Blogga um frétt