Varaþingmaður segir sig úr Miðflokknum
Setja bókamerki
Erna Bjarnadóttir, varaþingmaður Miðflokksins í Suðurkjördæmi, hefur sagt sig úr flokknum. Hún sóttist eftir því að leiða listann fyrir komandi kosningar en var hafnað.
Frá þessu greinir hún í færslu á Facebook.
„Ég er svo heppin að hafa fengi tækifæri til að stíga inn á svið stjórnmálanna. Reynslan er ómetanleg. Ég er líka svo heppin að eiga vini í flestöllum ef ekki öllum stjórnmálaflokkum. Ég hef sagt mig úr Miðflokknum og ákveðið að ganga óbundin til komandi kosninga,“ skrifar hún á facebook.
Samdi ljóð til að útskýra ákvörðunina
Hún útskýrir svo ákvörðun sína með ljóði:
„Á sólríkum sumardegi
Ég sveif um sunnlenska vegi
Komin í framboð
Miðflokksins amboð
Ég skrifa það og segi
Með Heiðbrá og Birgi ég þaut um
Búmm! Við komum og flautum
Ding Ding Ding
Datt Birgir á þing
Og Beggi kom á‘ eftir á skautum
Já ýmsa hef eignast þar vini
Af öndvegisgóðu kyni
Konur og karla
Og gleymi ég varla
Bergþóri Ólasyni
En örlögin flýr enginn hér
Óttalaust því segi ég þér
ég er utan af landi
Í ágætu standi
En Miðflokkurinn gekk úr mér.
Takk fyrir mig.“
Sóttist eftir því að leiða listann
Eins og fyrr segir þá sóttist hún eftir því að leiða lista Miðflokksins í Suðurkjördæmi fyrir komandi þingkosningar.
Þann 25. október greindi hún frá því að flokkurinn hafi boðið henni 6. sæti á lista og svo 3. sæti á lista.
Hún hafnaði þeim sætum en fyrir síðustu kosningar skipaði hún 2. sæti á lista flokksins.
Reiðubúin að aflýsa verkföllum í fjórum leikskólum
Yfir 300 stæði fóru undir hraun
Rússar sagðir útvega N-Kóreu milljón olíutunnur
/frimg/1/53/7/1530787.jpg)
Flogið á milli ljósaskipta
Hraun kemur úr þremur gígum: Virknin stöðug
Fullvissa ferðamenn um að hér sé öruggt
„Höfum sloppið bærilega með skaða af þessu gosi“
Hentugt gos fyrst gýs á annað borð