Um það bil þrjú þúsund Íslendingar kusu utan kjörfundar um helgina og nú hafa í heildina 17.100 kosið utan kjörfundar. Ekki er ólíklegt að yfir 20 þúsund muni kjósa til viðbótar utan kjörfundar.

Íslendingar ganga að kjörborðinu á laugardaginn. 

Þetta segir Einar Jónsson, staðgengill sýslumannsins á höfuðborgarsvæðinu, í samtali við mbl.is.

„Hún [kjörsóknin utan kjörfundar] er örlítið meiri heldur en í forsetakosningunum. Það munar ekki miklu en það er örlítið meira núna á landsvísu. Það er varla marktækur munur,“ segir Einar.

Flestir kosið á höfuðborgarsvæðinu

Hjá sýslumanninum á höfuðborgarsvæðinu hafa 9.850 greitt atkvæði, á Norðurlandi eystra hafa 1.170 greitt atkvæði og á Austurlandi hafa 295 greitt atkvæði.

Á Suðurnesjum hafa 492 kosið, á Suðurlandi hafa 880 kosið og í Vestmannaeyjum hafa 147 kosið.

Hjá sýslumanninum á Vesturlandi hafa 478 kosið, á Vestfjörðum hafa 239 kosið sem er jafn mikið og á Norðurlandi vestra. Rúmlega 3.300 hafa kosið erlendis. 

Gert ráð fyrir tugþúsundum atkvæða í viðbót

Hann segir að um 42 þúsund hafi kosið utan kjörfundar í forsetakosningunum og ef kjörsókn verður áfram svipuð þá má gera ráð á bilinu 20-30 þúsund atkvæðum nú í lokavikunni.

Hann segir aðspurður að flestir kjósi utan kjörfundar í lokavikunni. 

Tengdar fréttir

Alþingiskosningar 2024

Vill Pírata í stjórn með Viðreisn og Samfylkingu

• Vill forgangsraða orkuafhendingu
• Auðlindagjald á ferðamenn
• Viðtöl við oddvitana í Suðurkjördæmi
• Vill minnka umsvif ríkisins

» Fleiri tengdar fréttir

• Blogga um frétt