Leit haldið áfram næsta sumar
Setja bókamerki
Stefnt er að því að halda áfram leit að skipsflökum á hafsbotni í Reykjarfirði á Ströndum næsta sumar, segir Héðinn Ásbjörnsson, formaður Baskasetursins í Djúpavík.
Baskar veiddu hvali við Íslandsstrendur fyrr á öldum eins og margir vita en samkvæmt gömlum heimildum sukku í það minnsta þrjú basknesk skip í Reykjarfirði.
„Síðasta sumar prófuðum við nýja tækni þegar fyrirtækið Sjótækni gerði tilraun til að finna skipin með skanna. Það varð endasleppt vegna veðurs en eigendur Sjótækni urðu svo áhugasamir að þeir hafa boðað komu sína aftur næsta sumar,“ segir Héðinn í samtali við Morgunblaðið en hann er uppalinn í Djúpavík og þekkir vel sögurnar um Baskana og skipin.
„Hugmyndin að Baskasetrinu er sprottin af því að ég hef verið þátttakandi í undangengnum leiðöngrum Bjarna Einarssonar fornleifafræðings þegar hann reyndi að finna skipin. Hann er reyndar sérfræðingur í víkingaöldinni en þetta hefur verið áhugamál hjá honum þess utan. Hann leiddi nokkra leiðangra í þessum tilgangi en þeir voru líklega ekki nægilega vel fjármagnaðir. Auk þess eru heimildirnar um sjóslysin um fjögur hundruð ára gamlar.“
Mikið dýpi í firðinum
Eins og Morgunblaðið hefur fjallað um er Baskasetrið í Djúpavík í samstarfi við Baska bæði í spænska og franska hluta Baskalands. Héðinn segir að leit að skipunum sé hluti af því samstarfi.
Umfjöllunina má nálgast í heild sinni í Morgunblaðinu í dag.
Auka aðgengi að Grindavík
Ekki hægt að slá gosið út af borðinu strax
Vonir bundnar við morgundaginn
Sendi nektarmyndir af dreng sem hann passaði
Rannsókn á menningarnæturmáli lokið
Átta flokkar næðu inn
„Við vöknuðum við hljóð frá sprengingum“
Ákærður fyrir stunguárás á menningarnótt