Allt að 80% aukning milli ára
Setja bókamerki
„Það er heilmikil aukning milli ára. Það kemst kannski einhvern tímann eitthvert jafnvægi á en það er ekki komið að því enn,“ segir Hrólfur Andri Tómasson, framkvæmdastjóri dreifingarfyrirtækisins Dropp.
Miklar annir hafa verið í verslun að undanförnu í tengslum við þrjá vinsæla netverslunardaga; dag einhleypra, svartan föstudag og netmánudag. Þeir tveir síðarnefndu eru nýafstaðnir og voru óvenju seint á ferðinni í ár, runnu saman við fyrstu helgina í aðventu þegar fólk hafði fengið útborgað. Það er því óhætt að segja að kortin hafi verið rauðglóandi síðustu daga, bæði í netverslun og í stórum verslunarkjörnum þar sem margt fólk var um helgina.
Fyrsta vikan í desember stór
Hrólfur segir að hjá Dropp sé enn verið að taka á móti pökkum til dreifingar. Ljóst sé þó að mikil aukning hefur verið milli ára.
„Það er 80% aukning í sendingum í kringum Black Friday og Cyber Monday milli ára. Þeir eru reyndar seinna á ferð en áður, nú er komið inn í desember og fólk fékk útborgað á föstudaginn. Fyrsta vikan í desember er alltaf stór. Ef við skoðum bara Singles Day þá er aukningin í kringum hann um 60%. Það lýsir þessu kannski betur.“
Lesa má meira um málið í Morgunblaðinu í dag.
„Þær kjósa feigð á menn og ráða sigri“
„Það er verið að kalla eftir okkur“
Yoon dregur í land
Evrópumál voru ekki til umræðu
Hollendingar sagðir hjálpa Pútín
Börn bundin í stóla og borða ekki sjálf
Fundur fljótlega: „Það er að fæðast fallegt barn“