Víða er mikil hálka á vegum landsins.

Reiknað er með versnandi færð á Austurlandi og Suðausturlandi vegna snjókomu og skafrennings en gular viðvaranir tóku gildi á þessum svæðum klukkan átta í morgun.

Á vef Vegagerðarinnar, umferðin.is, kemur fram að snjóþekja eða hálka sé á flestum leiðum á Vestfjörðum. Ófært er á Dynjandisheiði og verður vegurinn skoðaður eftir hádegi í dag.

Kort/Vegagerðin

Hálka, þungfært og þæfingur

Flughálka er á Suðurstrandarvegi við Krýsuvíkurvegamót og á efri og neðri Grafningsvegi. Sömu sögu er að segja í Hvalfjarðarsveit en þar er mikil hálka og snjóþekja er á flestum leiðum á Vesturlandi. Þungfært er í Álftafirði á norðanverðu Snæfellsnesi en þæfingur er á Útnesvegi ásamt éljagangi eða snjóþekju.

Á Austurlandi er ófært yfir Öxi og Breiðdalsheiði en hálka er á flestum leiðum og krapi á Fjarðarheiði.

Mikil hálka er á flestum útvegum í uppsveitum á Suðurlandi en hálka eða hálkublettir eru á helstu vegum.

Tengdar fréttir

Veður

Skoða ráðstafanir vegna mikillar kuldaspár

• Skemmdir í Bláfjöllum eftir veðrið
• Éljagangur en síðan slydda eða rigning
• Hjálpuðu að festa þak á hlöðu
• „Þetta er ekta eldingaveður“

» Fleiri tengdar fréttir

• Blogga um frétt