Héraðssaksóknari hefur ákært 33 ára gamlan karlmann frá Litháen fyrir að bana samlanda sínum í sumarhúsi í Kiðjabergi í uppsveitum Árnessýslu í apríl. Hann er ekki ákærður fyrir manndráp.

Ríkisútvarpið greinir frá.

Upp­haf­lega voru fjór­ir menn hand­tekn­ir þann 20. apríl en tveim­ur var síðan sleppt. Hinir tveir voru úr­sk­urðaðir í gæslu­v­arðhald en öðrum var síðar sleppt. Maður­inn sem lést var á fer­tugs­aldri en hann var úr­sk­urðaður lát­inn skömmu eft­ir komu viðbragðsaðila á staðinn.

Frétt af mbl.is

Rannsókn lokið og málið kom á borð héraðssaksóknara

Stórfelld líkamsárás sem leiddi til dauða

Maðurinn var grunaður um manndráp og þannig var rannsókn háttað lengst af. Hins vegar hefur hinn ákærði nú verið ákærður fyrir stórfellda líkamsárás sem leiddi til dauða.

Saksóknari metur það sem svo að hinum ákærða hafi ekki endilega verið ljóst að barsmíðarnar myndu leiða til dauða mannsins.

Margþætt ofbeldi

Í frétt RÚV er ákæran reifuð og þar segir að hinn ákærði hafi veist af hinum látna „með margþættu ofbeldi, þannig að Viktoras hlaut bana af, en atlagan beindist að höfði, hálsi og líkama Viktoras, þar á meðal með því að slá hann tvisvar í andlitið þar sem hann sat á stól, þannig að hann féll í gólfið.“

Alvarlegir áverkar á heila Viktoras leiddu til dauða hans.

Tengdar fréttir

Grun­ur um mann­dráp í sum­ar­húsi

„Er í forgangi hjá okkur“

• Rannsókn lokið og málið kom á borð héraðssaksóknara
• Rannsókn á manndrápi á lokastigi
• Rannsókn á manndrápi á lokastigi
• Bíða eftir niðurstöðu frá Landsrétti

» Fleiri tengdar fréttir

• Blogga um frétt