Starfsstjórn Sjálfstæðisflokks og Framsóknarflokks fundaði að öllum líkindum í síðasta sinn klukkan 10 í morgun.

Allir ráðherrar mættu til leiks á fundinn fyrir utan Ásmund Daða Einarsson, mennta- og barnamálaráðherra.

Bjarni Benediktsson forsætisráðherra sleit stjórnarsamstarfi Sjálfstæðisflokks, Framsóknar og Vinstri grænna 13. október.

Tók starfsstjórnin við 17. október og tóku ráðherrar Sjálfstæðisflokks og Framsóknar við ráðherraembættum Vinstri grænna.

Formenn þeirra þriggja flokka sem staðið hafa í stjórnarmyndunarviðræðum undanfarnar vikur stefna á að kynna nýjan stjórnarsáttmála um helgina. Það virðist því vera sem þetta gæti orðið síðasti fundur starfsstjórnarinnar.