Landsréttur hefur staðfest úrskurð Héraðsdóms Reykjavíkur í máli eins hinna sakfelldu í Sólheimajökulsmálinu um að hann skuli sæta áframhaldandi gæsluvarðhaldi.

Þann 3. desember var maðurinn sakfelldur fyrir stórfellt fíkniefnalagabrot og skipulagða brotastarfsemi í Héraðsdómi Reykjavíkur. Var honum gert að sæta fangelsi í fimm ár. Hefur hann áfrýjað dómnum til Landsréttar, en ekki liggur fyrir hvenær aðalmeðferð muni fara fram í málinu.

Frétt af mbl.is

Greinilegt að um umfangsmikla starfsemi sé að ræða

Héraðssaksóknari krafðist þess í kjölfarið að maðurinn myndi áfram sæta gæsluvarðhaldi þar til endanlegur dómur liggi fyrir. Byggði héraðssaksóknari kröfu sína á almannahagsmunum. 

„Þegar litið er til eðlis brotanna sem dómfelldi hefur verið sakfelldur fyrir er jafnframt fallist á að gæsluvarðhald sé nauðsynlegt með tilliti til almannahagsmuna,“ segir í úrskurði héraðsdóms. 

Maðurinn hefur sætt gæsluvarðhaldi frá 12. apríl. Er honum gert að sæta áfram gæsluvarðhaldi, þó ekki lengur en til 3. júní á næsta ári. 

Tengdar fréttir

Sólheimajökulsmálið

Greinilegt að um umfangsmikla starfsemi sé að ræða

• Þungir dómar í Sólheimajökulsmáli
• Ekki gerlegt að sakfella eftir lýsingu í ákæru
• Fer fram á sex og hálfs ára fangelsi yfir Jóni Inga
• „Miklu meira en bara yfirmaður”

» Fleiri tengdar fréttir

• Blogga um frétt