Fagnar þjóðaratkvæðagreiðslu í Evrópumálum
Setja bókamerki
„Mér líst mjög vel á þetta, samhentur hópur, öflugur hópur. Ég er ánægður með stefnuyfirlýsingu stjórnarinnar. Hún er ekki eins ítarleg og oft áður og mér finnst að það eigi að vera þannig,“ segir Össur Skarphéðinsson fyrrverandi ráðherra og þingmaður Samfylkingarinnar að loknum flokksstjórnarfundi Samfylkingarinnar.
Tekur hann sérstaklega fram ánægju sína með að Evrópumálin hafi ekki gleymst í stefnuyfirlýsingunni.
„Ég átti ekki von á því að þau færu svo langt að boða það að það yrði þjóðaratkvæðagreiðsla en ég fagna því auðvitað, gamall Evrópusinni,“ segir Össur.
Kristrún uppáhald, eftirlæti og augasteinn flokksins
Að sögn Össurar var farið yfir stefnuyfirlýsinguna og einstaka atriði hennar ásamt því að kynna nýja ráðherra.
„Svo þurfti að klappa talsvert vel fyrir Kristrúnu. Hún er náttúrulega uppáhald og eftirlæti og augasteinn flokksins í dag. Enda má segja það að hún á þetta svikalaust nánast ein að hafa náð flokknum upp í þessar miklu hæðir,“ segir hann.
Tekur hann einnig fram að hún þurfi að fá mikið svigrúm til sinna verka. Fjölmiðlar muni verða gagnrýnir á ríkisstjórnina því þannig sé lýðræðið.
„Þá skiptir máli að svona gamlir jaxlar eins og ég og Einar Karl Harðarson að við stöndum þétt við bakið á þessu unga fólki.“
Fréttin hefur verið uppfærð.
„Mér finnst gamla Samfylkingin komin aftur“
Bein útsending: Ríkisstjórnarsamstarfið kynnt
Nágrannaþjóðir upplýstar en við vöðum í blindni
Funda með þingflokkum
Helgi Magnús mætir til starfa í dag
Kristrún Frostadóttir verður forsætisráðherra
Stormur á Þorláksmessu en víðast hvar stefnir í hvít jól