Bjarni afhenti lyklana að þriðja ráðuneytinu í dag
Setja bókamerki
Bjarni Benediktsson, þingmaður og formaður Sjálfstæðisflokksins, afhenti Hönnu Katrínu Friðriksson lyklana að matvælaráðuneytinu fyrir skömmu en í dag er hann búinn að afhenda lykla að þremur ráðuneytum.
Bjarni Benediktsson tók við matvælaráðuneytinu þegar Vinstri græn neituðu að taka þátt í starfsstjórn.
Hanna Katrín verður hins vegar ekki matvælaráðherra heldur verður hún atvinnuvegaráðherra sem mun fara fyrir málaflokkum eins og landbúnaði, sjávarútvegi, iðnaði, viðskiptum og ferðaþjónustu.
Óskaði henni velfarnaðar í starfi
„Hér er hið rafræna kort sem hleypir þér inn í alla kima þessa húss. En ekki síður mikilvægt er að óska þér til hamingju með daginn og þessi tímamót á þínum ferli og í þínu lífi,“ sagði Bjarni og óskaði henni velfarnaðar í sínum störfum.
Hanna Katrín þakkaði Bjarna og forverum hans í matvælaráðuneytinu fyrir þeirra störf í þágu þjóðarinnar.
/frimg/1/53/81/1538129.jpg)
Vonar að það verði ekki jafn mikil ráðherravelta á næsta ári
Á árinu hafa alls fimm ráðherrar sinnt matvælaráðuneytinu og það eru Svandís Svavarsdóttir, Katrín Jakobsdóttir, Bjarkey Olsen Gunnarsdóttir, Bjarni Benediktsson og nú Hanna Katrín.
„[Ég] vona að það verði ekki jafn oft skipt um á næsta ári,“ sagði Hanna og uppskar hlátur.
Fyrr í dag afhenti Bjarni lyklana að forsætisráðuneytinu og félags- og vinnumarkaðsráðuneytinu.
Bjarni: „Útilokað að þetta geti gengið upp“
„Aðstæður í stjórnmálum geta breyst á einni nóttu“
Þetta eru ráðherrar ríkisstjórnarinnar
Hrikalegt að heyra fréttirnar
„Mér finnst gamla Samfylkingin komin aftur“
„Börn heima sem maður myndi vilja hafa í skjóli“
Beint: Ný ríkisstjórn tekin við völdum