Öxnadalsheiði á óvissustigi
Setja bókamerki
Öxnadalsheiði er á óvissustigi og gæti lokað með stuttum fyrirvara seinna í kvöld en þar er hvassviðri, flughálka og skafrenningur.
Greint hefur verið frá að Holtavörðuheiðin sé nú lokuð en einnig hefur verið lokað fyrir umferð á Laxárdalsheiði.
Óljóst er hvort Holtavörðuheiðin muni opna aftur í kvöld en þar varð umferðaróhapp fyrr í kvöld þar sem rúta þveraði veginn og eru, að sögn umferðarþjónustu Vegagerðarinnar, 37 m/s í hviðum á heiðinni.
Þá er mjög hvasst á Öxnadalsheiðinni þar sem einnig er hálka og skafrenningur. Heiðin er nú á óvissustigi en gæti lokað með stuttum fyrirvara en endanleg niðurstaða verður tekin af Vegagerðinni rétt áður en þjónustu hennar lýkur klukkan 22.
Þá minnir umferðarþjónustan landsmenn á umferdin.is og road.is þar sem hægt er að nálgast upplýsingar um stöðu vega landsins.
Neitaði sök um morð og hryðjuverk
Óveður heldur Holtavörðuheiði lokaðri
„Á allt sitt undir því að njóta trausts almennings“
Þungt ástand í margar vikur vegna RS-veiru
Gular viðvaranir í dag og á morgun
Leiðindaveður yfir jólahátíðina
Máttu ekki auglýsa „mesta úrvalið“ og „besta verðið“
„Svindlherferðir eru að færast í aukana“