Slys á fólki á aðfangadagskvöld

Átta umferðaróhöpp urðu á höfuðborgarsvæðinu á aðfangadagskvöld frá því jólin voru hringd inn og til miðnættis, þar af tvö þar sem slys urðu á fólki.

Pétur Sveinsson í umferðardeild lögreglunnar á höfuðborgarsvæðinu segir um töluverðan fjölda að ræða á þetta stuttum tíma.

„Það voru strax tvö óhöpp á sjöunda tímanum og svo raðaðist þetta svona eitthvað fram að miðnætti.“

Frétt af mbl.is

Talsvert af umferðaróhöppum í borginni

Vistaður í fangaklefa

Í dagbók lögreglu voru skráð 13 umferðaróhöpp frá klukkan 17 í gær og til 5 í morgun.

Lög­reglu­stöð tvö, sem sinn­ir verk­efn­um í Hafnafirði og Garðabæ, bár­ust m.a. sex til­kynn­ing­ar um um­ferðaró­höpp en í einu til­felli keyrði ökumaður á ljósastaur og var vistaður í fanga­klefa vegna gruns um akstur und­ir áhrif­um áfeng­is. 

Þá bárust lög­reglu­stöð eitt, sem sinn­ir verk­efn­um í vest­ur­hluta borg­ar­inn­ar og á Seltjarn­ar­nesi, þrjár til­kynn­ing­ar um um­ferðaró­höpp en eng­inn slasaðist al­var­lega.

Hægist á umferð í kringum jólin

Pétur segir umferðina almennt hafa gengið ágætlega. „Það eru svo sem alltaf umferðaróhöpp og stundum eru slys í þeim en heilt yfir hefur þetta gengið ágætlega.“

Segir hann talsvert meiri umferð í kringum jólin en almennt gengur og gerist en það jákvæða sé að þá hægist einnig á umferðinni.

Hann segir fólk almennt vakandi yfir því að vera á vel búnum bílum og með dekkin í lagi, sem sé afskaplega mikilvægt í þessari tíð.

Frétt af mbl.is

Ekkert ferðaveður og vegalokanir á jóladag

• Blogga um frétt