Var að slitna frá bryggju sökum hvassviðris
Setja bókamerki
/frimg/1/53/84/1538487.jpg)
Björgunarsveitin á Akranesi var kölluð út í kringum hádegið í dag þar sem bátur var að slitna frá bryggju sökum slæms veðurs.
Björgunarbáturinn Jón Gunnlaugsson og lóðsbáturinn Þjótur voru mannaðir og komu bátnum aftur í bryggju þar sem landfestur voru tryggðar.
Þetta segir Jón Þór Víglundsson, í samtali við mbl.is, en tilkynning sama efnis barst fjölmiðlum fyrir skömmu.
Þá var björgunarsveitin í Vestmannaeyjum kölluð til vegna stórs flutningabíls sem stóð rétt hjá Eldfelli en vindurinn var við það að rjúfa þekju tengivagnsins sem hefði getað splundrast vegna vinds. Björgunarsveitin kom þó í veg fyrir það.
Veðrið hefur leikið landsmenn grátt frá því í gærkvöldi en greint var frá því fyrr í dag að björgunarsveitir Slysavarnarfélagsins Landsbjargar hefðu verið kallaðar út í gærkvöldi og nótt vegna fólks sem var í vandræðum vegna færðar.
Opna ekki Hellisheiðina eða Þrengslaveg í dag
Ekkert ferðaveður er í dag, jóladag, og gerir Vegagerðin ekki ráð fyrir að Hellisheiðin eða Þrengslavegur verði opnaður í dag vegna spár um slæmt veður.
Appelsínugular veðurviðvaranir Veðurstofunnar eru enn í gildi á Suðurlandi, Breiðafirði og við Faxaflóa. Er spáð suðvestan 15-25 m/s og dimmum éljum með lélegu skyggni og versnandi akstursskilyrðum, hvassast í éljahryðjum.
Veðrið skánar með deginum og verða appelsínugular veðurviðvaranir að gulum um 18 í kvöld.
Gular viðvaranir eru í gildi á höfuðborgarsvæðinu, Vestfjörðum, Ströndum, Norðurlandi vestra og á Suðausturlandi.
KEF Spa: „Eitthvað sem þú hefur ekki séð áður“
Clinton fluttur á sjúkrahús
Björgunarsveitir kallaðar út í nótt
Strandveiðar „efnahagsleg sóun“
Í þögn hjartans
Ekkert ferðaveður og vegalokanir á jóladag
Var að slitna frá bryggju sökum hvassviðris