Andlát: María Kristjánsdóttir

María Kristjánsdóttir bókmenntafræðingur er látin, áttræð að aldri. Hún lést á Landspítalanum 27. desember.

María fæddist 19. mars 1944 í Reykjavík og ólst upp í Hafnarfirði í sex systkina hópi. Foreldrar hennar voru Kristján Andrésson og Salbjörg Magnúsdóttir. 

María var leikhúsfræðingur, menntuð í Leipzig og Berlín og bókmenntafræðingur frá HÍ. María starfaði m.a. sem leikstjóri, gagnrýnandi og stjórnandi útvarpsleikhússins.

Jón Aðalsteinsson, eiginmaður Maríu, lést árið 2017. Hann átti fjögur börn af fyrra  hjónabandi og saman áttu þau eina dóttur. Jón og María lifðu og störfuðu á Fáskrúðsfirði, Húsavík, í Svíþjóð og í Reykjavík.

• Blogga um frétt