Inga Sæland þarf að breyta um takt
Stefán E. Stefánsson
Setja bókamerki
Inga Sæland þarf að breyta um takt í opinberri framkomu, nú þegar hún er orðin ráðherra. Þetta er mat þeirra Björns Inga Hrafnssonar og Vigdísar Häsler en þau eru gestir nýjasta þáttar Spursmála sem tekur stöðuna á stjórnmálunum eins og þau blasa við nú milli jóla og nýárs.
Setti ofan í við ráðherra
Vakti talsverða athygli það hnútukast sem Inga lenti í við Kristján Kristjánsson, stjórnanda Sprengisands á Bylgjunni. Þar mætti hún ásamt hinum valkyrjunum tveimur, Kristrúnu Frostadóttur og Þorgerði Katrínu Gunnarsdóttur. Varð Kristjáni og Ingu nokkuð sundurorða og setti þáttarstjórnandi ofan í við hinn nýbakaða ráðherra fyrir það hvernig hún hagaði orðum sínum.
Skefur ekki utan af því
Inga hefur aldrei verið þekkt fyrir að skafa utan af hlutunum og hefur það meðal annars gerst oftar en einu sinni í Spursmálum þar sem hún hefur mætt og rætt fréttir líðandi stundar en einnig í aðdraganda síðustu kosninga.
Björn Ingi Hrafnsson, ritstjóri Viljans telur að fylgi Flokks fólksins muni hrynja hratt á komandi vikum, nokkuð í anda þess sem Framsóknarflokkurinn hefur upplifað í Reykjavík undir stjórn Einars Þorsteinssonar.
Umræðurnar um hina nýju stöðu Ingu, og hvað hún þýði fyrir hana pólitískt og persónulega, má sjá í spilaranum hér að ofan.
Hér að neðan má svo einnig sjá viðtalið við Björn Inga og Vigdísi í heild sinni, ásamt ítarlegu viðtali við Bjarna Benediktsson, formann Sjálfstæðisflokksins.
28 stiga frost í Svartárkoti
Ísland taki virkan þátt í öryggis- og varnarmálum
Árásarmaðurinn úrskurðaður í gæsluvarðhald
Leiðir bara upp á fimmtu hæð
Rannsókn á frumstigi
Fáni Ríkis íslams fannst í bifreiðinni