Bjarni Harðarson, draugasérfræðingur segir það almennt talið meðal Sunnlendinga og sérstaklega fólks í Landssveit að danskur draugur sem vakinn var upp í Villingaholtskirkjugarði hafi hrint Ólaf Ragnar Grímssyni af hestbaki. Það leiddi til þess að forsetinn fyrrverandi axlarbrotnaði í lok síðustu aldar.

Bjarni er gestur Dagmála Morgunblaðsins í dag og ræðir þar drauga og allt sem þeim við kemur. Hann er sérlegur áhugamaður um þessi fyrirbæri sem skiptar skoðanir eru um. Í viðtalsbrotinu sem fylgir þessari frétt grípum við niður í söguna af danska draugnum sem þeir Valdi og Markús vöktu upp í gamla kirkjugarðinum í Villingaholti. Ástæða þess að þeir vildu vekja upp draug var sú að þeir ætluðu að láta hann leita að fjársjóðum á hafi úti. Hins vegar tók málið óvænta stefnu þegar þeir áttuðu sig á því að draugurinn var danskur og skyldi ekki íslensku. Valdi, sem Bjarni segir að hafi verið sá ósvífnari af þeim félögum kom draugnum á Markús og ku hann hafa fylgt hans fjölskyldu allar götur síðan.

Sleikja náhveljuna af draugnum

Það er ekki á allra færi að vekja upp drauga en þó eru til fjölmargar sagnir af slíkri iðju. Draugurinn kemur þá upp úr gröf sinni í hlaupkenndri náhvelju sem sleikja þarf af draugnum og mikilvægt er að kyngja hveljunni. Oftar en ekki þurfti svo að glíma við hinn uppvakta til að ná stjórn á honum.

Nú er dimmasti tími ársins og á morgun eru áramót. Það er á þessum tíma sem talið er að hulduverur öðlist meiri kraft og verði frekar á vegi manna. Bjarni Harðarson fer yfir þá stöðu og margt annað er viðkemur draugum í Dagmálum á næst síðasta degi ársins.

Þátturinn í heild sinni er opinn áskrifendum Morgunblaðsins.

Allt sem þú þarft að vita um drauga

Tengdar fréttir

Dagmál

Svona áttu að bregðast við draugaásókn

• Margar tegundir drauga þekktar á Íslandi
• „Þetta eru örfá lið sem eru með einhverja Íslendinga“
• Alvöru lið láta ekki fréttir á netinu trufla sig
• „Talandi um að gefa þjálfurum smá tíma“

» Fleiri tengdar fréttir

• Blogga um frétt