Bifreið hafnaði í sjónum

Slökkviliðið á höfuðborgarsvæðinu hefur verið kallað út vegna gruns um að bifreið hafi farið í sjóinn við Reykjavíkurhöfn.

Þetta staðfestir varðstjóri slökkviliðsins í samtali við mbl.is.

Ekki liggja frekari upplýsingar fyrir að svo stöddu.

Að sögn sjónarvotts er mikill viðbúnaður á svæðinu. Um sex sjúkrabifreiðar, tveir slökkviliðsbílar og töluverður fjöldi lögreglubifreiða eru við höfnina. Þá séu að auki tveir björgunarbátar.

Búið er að loka hafnarsvæðinu að sögn sjónarvotts.

Uppfært klukkan 14:05

Búið er að sækja einn úr bifreiðinni. Verið er að flytja hann á sjúkrahús, að sögn varðstjóra slökkviliðsins á höfuðborgarsvæðinu.

Hann segir að verið sé að ganga úr skugga um það hvort fleiri hafi verið í bifreiðinni.

Ljósmynd/Aðsend

• Blogga um frétt