Skatturinn varar við svikapóstum sem hafa verið sendir í nafni stofnunarinnar á milli jóla og nýárs. 

Í tilkynningu segir að Skattinum og lögreglunni hafi borist ábendingar um að verið sé að senda út tölvupósta í nafni Skattsins. 

Í póstunum segir að gerðar hafi verið breytingar á skattframtali og fólki boðið að smella á hlekk til að opna þjónustuvef eða skanna QR kóða. 

Svikapósturinn sem um ræðir. Búið er að afmá QR kóðann. Skjáskot

„Þessar sendingar eru ekki á vegum Skattsins heldur eru þetta netsvik,“ segir í tilkynningunni.

„Pósturinn er ekki frá Skattinum, linkurinn leiðir ekki á þjónustuvef Skattsins og rétt er að benda fólki á að smella ekki á hlekkinn og gefa ekki upp neinar persónu- eða fjárhagsupplýsingar.“

Bent er á að gruni fólk að sending sé sviksamleg sé gott ráð að tilkynna hlutaðeigandi fyrirtæki eða stofnun og/eða lögreglu. Hafi fólk orðið fyrir barðinu á svikahröppum skal leita til lögreglu.

Tengdar fréttir

Netsvik

Fórnarlömb netsvika fá ekki endurgreiðslu

• Erlend netárás gerð á Bland.is
• Falskir rafmyntasalar herja á landann
• Best að skella á og hringja strax í bankann
• Fattaði fljótlega að um svindl væri að ræða

» Fleiri tengdar fréttir

• Blogga um frétt