Ekki „bálskotin“ í hugmyndum Guðrúnar

Þorbjörg S. Gunnlaugsdóttir dómsmálaráðherra er ekki „bálskotin“ í hugmyndum sem Guðrún Hafsteinsdóttir, fyrrverandi dómsmálaráðherra, reifaði um að senda fanga með erlendan ríkisborgararétt til afplánunar erlendis.

Guðrún sagði í samtali við mbl.is í september 2024 að henni þætti sjálfsagt að skoða það að semja við önnur ríki um að hýsa fanga með erlendan ríkisborgararétt „í ljósi auk­ins þrýst­ings á fang­elsis­kerf­in um all­an heim. Sér­stak­lega í til­fell­um fanga sem komu hingað til lands í þeim eina til­gangi að stunda glæpi og hafa eng­in önn­ur tengsl við Ísland,“ sagði Guðrún. Þó hefði ráðuneytið ekki farið í sérstaka skoðun á slíku úrræði.

Frétt af mbl.is

Erlendir fangar sendir til útlanda?

Ekki búið að ræða þetta

Hlut­fall er­lendra rík­is­borg­ara sem afplánuðu dóm á Íslandi árið 2024 var 33%, sem er það mesta frá upp­hafi.

Þorbjörg segir að þetta sé ekki hugmynd sem hafi verið rædd hjá þessari ríkisstjórn né þeirri fyrri.

Hugnast þér þessi hugmynd, að senda fanga úr landi?

„Ég er svona við fyrstu sýn ekki bálskotin í hugmyndinni,“ segir Þorbjörg. 

Frétt af mbl.is

Aldrei fleiri útlendingar afplánað dóm á Íslandi

Danir sömdu við Kósóvó

Dan­ir sömdu á síðasta ári við Kósóvó um að hýsa 300 fanga sem hlutu dóm í Dan­mörku. Dagblaðið Telegraph greindi frá því á síðasta ári að dómsmálaráðuneytið í Bretlandi væri að skoða það að semja við Eistland um að hýsa fanga fyrir sig.

Samkvæmt svörum Fangelsismálastofnunar við fyrirspurn mbl.is þá eru á boðun­arlista til að afplána dóm 340 manns og á boðun­arlista í sam­fé­lagsþjón­ustu 180 manns.

Þar að auki eru yfir 182 á boðun­arlista sem eru farn­ir úr landi og nokkr­ir óunn­ir dóm­ar sem eru að fara í boðun.

Frétt af mbl.is

Kósóvó mun hýsa 300 fanga fyrir Danmörku

• Blogga um frétt