Allmikið lægðardrag hreyfist norðaustur yfir landið í dag og veldur suðaustanstrekkingi eða hvassviðri með rigningu og hlýindum, einkum þó á suðaustanverðu landinu. Þar sem snjór og klaki þekja víða jörð er búist við talsverðri leysingu og auknu afrennsli í ám og lækjum.

Þetta kemur fram í hugleiðingum veðurfræðings á Veðurstofu Íslands. 

Veðurviðvaranir vegna hvassviðris og hláku eru í gildi um land allt, mislengi þó. Þá er vakin athygli á því að hálkublettir leynist víða.

Þá má gera ráð fyrir vægu frosti í nótt. „Lægir smám saman og rofar til í kvöld og kólnar um tíma í veðri, sums staðar vægt frost í nótt. Síðan koma lægðirnar hver af annarri með tilheyrandi vætu og hlýindum, en snýst líklega í norðanátt er líður á vikuna og kólnar talsvert með éljum eða snjókomu, einkum nyrðra,“ segir í hugleiðingunum.

Veðurvefur mbl.is

Tengdar fréttir

Veður

Hætta á hálku og leysingum með hlýnandi veðri

• Úrkomusvæði nálgast óðum
• Gular viðvaranir víða um land
• Hált þar sem er snjór og klammi
• Varað við flughálku á vestanverðu landinu

» Fleiri tengdar fréttir

• Blogga um frétt