Bæjarstjórn Snæfellsbæjar ræddi jarðhræringarnar á fundi sínum á fimmtudaginn og stendur upplýsingafundur hjá almannavarnanefnd svæðisins fyrir dyrum eins og Kristinn Jónasson bæjarstjóri greinir frá.

„Ég upplýsti bæjarstjórn um að til stæði að halda fund með almannavarnanefndinni hérna á Vesturlandi og ég heyrði frá lögreglunni og formanni almannavarna, sem er Bjarki í Búðardal, og okkur var sagt að það væru svo sem engar stórar fréttir frá Veðurstofunni, en við munum fljótlega fara yfir þetta til að dýpka okkar skilning á því hvað er í gangi,“ segir bæjarstjóri, sem í framhaldinu kveðst munu upplýsa bæjarstjórn og íbúa um stöðu mála.

 Komið á óvart hvað fólk er stressað yfir þessu

„Það hefur komið mér raunverulega á óvart hvað fólk er stressað yfir þessu. Þeir [almannavarnanefndin] sögðu það við okkur að reynslan væri sú í þessu eldstöðvakerfi að þetta væru smágos, ég held að það séu þúsund ár síðan gaus þarna síðast,“ segir Kristinn en slær þann varnagla að gosspár allar séu einvörðungu vísindi – ekki staðreyndir.

Haraldur Sigurðsson, prófessor emeritus í eldfjallafræði, ræðir við Morgunblaðið um eðli og sögu eldstöðvakerfisins. „Það sem núna er að gerast, miðað við fréttir frá Veðurstofunni og öðrum, bendir til kvikuhreyfinga á miklu dýpi, alveg í botni skorpunnar.“

Lesa má meira um málið í Morgunblaðinu í dag

Tengdar fréttir

Ljósufjallakerfi

Skjálftinn fannst í byggð

• Einn stærsti skjálftinn frá upphafi mælinga
• Engar vísbendingar um að kvika sé á leiðinni upp
• Líklega kvikusöfnun á miklu dýpi
• Bændur enn rólegir á Mýrum

» Fleiri tengdar fréttir