Rólegt í Bárðarbungu
Á annað hundrað skjálfta mældust í Bárðarbungu í gær.
mbl.is/Rax
Setja bókamerki
Rólegt hefur verið á skjálftasvæðinu í Bárðarbungu frá því síðdegis í gær en mjög kröftug skjálftahrina hófst þar í gærmorgun.
Á annað hundrað skjálfta mældust í Bárðarbungu í gær, sá stærsti var 5,1 að stærð sem reið yfir rétt eftir klukkan 8 í gærmorgun. Að auki urðu sautján skjálftar yfir þremur að stærð, þar af tveir um eða yfir 4.
Enginn skjálfti hefur mælst í Bárðarbungu frá því klukkan 17.18 í gær en sá var 2,4 að stærð.
„Þótt það sé rólegt núna þá getur skjálftavirknin tekið sig upp aftur. Við verðum bara að bíða og sjá hvað gerist og fylgjast vel með,“ segir Steinunn Helgadóttir, náttúruvársérfræðingur á Veðurstofu Íslands, í samtali við mbl.is.
Endurgreiðir 2,4 milljarða
„Þetta er okkar öflugasta eldstöð“
„Þarna eru frægar eldstöðvar“
Ferðafólki bjargað af þaki bíla
Mikilvægt að fá bílaleigur meira með í orkuskiptin
Þurfum að skoða hvers vegna svona brot eru framin
„Nú gilda reykfylltu bakherbergin“