Bein útsending frá Mannamótum
Setja bókamerki
Ráðstefnan Mannamót Markaðsstofu landshlutanna fer í dag fram í Kórnum í Kópavogi, en þar kynna meðal annars landsbyggðarfyrirtæki þjónustu sína og vöruframboð fyrir ferðaþjónustufyrirtækjum sem staðsett eru á höfuðborgarsvæðinu.
Bein útsending verður frá ráðstefnunni í dag á milli 10 og 14, en þar verður meðal annars rætt við Hönnu Katrínu Friðriksson, nýjan ráðherra atvinnuvega, Arnheiði Jóhannsdóttur, framkvæmdastjóra Markaðsstofu Norðurlands, Jóhannes Þór Skúlason, framkvæmdastjóra Samtaka ferðaþjónustunnar, Arnar Má Ólafsson ferðamálastjóra og fleiri góða gesti.
Mannamót eru hluti af ferðaþjónustuvikunni sem hófst á þriðjudaginn og lýkur í dag.
Markaðsstofur landshlutanna (MAS) eru sjö talsins, á Vesturlandi, Vestfjörðum, Norðurlandi, Austurlandi, Reykjanesi, höfuðborgarsvæðinu og á Suðurlandi. Markaðsstofurnar starfa í samvinnu við fyrirtæki í greininni, ferðamálasamtök, atvinnuþróunarfélög, sveitarfélög og fleiri hagsmunaaðila um land allt.
Dagskráin í heild er eftirfarandi:
10:00 - Arnheiður Jóhannsdóttir, framkvæmdastjori Markaðsstofu Norðurlands og Bergrós Guðbjartsdóttir frá Hótel Akureyri
10:20 - Kristján Guðmundsson, verkefnastjóri hjá Markaðsstofu Vesturlands og Herborg Svana Hjelm, hótelstjóri Hótel Varmalands
10:40 – Alexandra Tómasdóttir, verkefnastjóri hjá Austurbrú og Auður Vala Gunnarsdóttir, frá Blábjörg Resort
11:00 - Þurı́ður Aradóttir Braun, verkefnastjóri hjá Markaðsstofu Reykjaness og Kristján Pétur Kristjánsson frá Hótel Konvin
11:20 – Ragnhildur Sveinbjarnadóttir, framkvæmdastjóri Markaðsstofu Suðurlands og Ragnhildur Ágústsdóttir hjá Lava Show
11:40 - Sölvi Guðmundsson teymisstjóri hjá Vestfjarðastofu og Gunnþórunn Bender hjá Westfjord Adventures
12:00 – Jóhannes Þór Skúlason frá Samtökum ferðaþjónustunnar
12:20 – Inga Hlín Pálsdóttir framkvæmdastjóri Markaðsstofu höfuðborgarsvæðisins og Helgi Eysteinsson frá Iceland Travel
12:40 - Oddný Arnarsdóttir, fagstjóri ferðaþjónustu hjá Íslandsstofu
13:00 – Hanna Katrı́n Friðriksson, atvinnuvegaráðherra
13:20 - Arnar Már Ólafsson, ferðamálastjóri
13:40 - Halldór Óli Kjartansson, sýningarstjóri Mannamóta og Ásta Kristı́n Sigurjónsdóttir frá Íslenska ferðaklasanum
„Þetta er litla systir mín“
Þorgerður Katrín fagnar vopnahléi á Gasa
Stjörnvöld voru vöruð við
Hafa varla sofið í marga daga í LA
Ákærður fyrir að hafa banað móður sinni
Skoðað hvort hægt sé að laga
Ágallar á framkvæmd kosninganna