Framkvæmdir við borgarlínu hefjast á morgun
Setja bókamerki
Tengdar fréttir
Borgarlínan
Fyrstu verklegu framkvæmdirnar við fyrsta áfanga borgarlínu hefjast á morgun. Eru það framkvæmdir við landfyllingu og sjóvarnir tengdar byggingu Fossvogsbrúar, en framkvæmdirnar verða Kársnesmegin við voginn.
Í síðustu viku var verksamningur milli Vegagerðarinnar og verktakafyrirtækisins Gröfu og grjóts undirritaður í kjölfar útboðs í nóvember í fyrra.
Fossvogsbrúin er hluti af Samgöngusáttmálanum og er fyrsta stóra framkvæmdin í borgarlínuverkefninu. Brúin tengir saman vesturhluta Kópavogs og Reykjavík. Áætluð verklok eru 1. nóvember 2026 fyrir þennan hluta verksins en gert er ráð fyrir að Fossvogsbrú verði tilbúin um mitt ár 2028, segir í tilkynningu.
Nýr samgönguráðherra, Eyjólfur Ármannsson, tekur fyrstu skóflustunguna ásamt borgarstjóra Reykjavíkur, bæjarstjóra Kópavogs, forstjóra Vegagerðarinnar og framkvæmdastjóra Betri samgangna.
Hafa varla sofið í marga daga í LA
Bréf sent á alla forstöðumenn ríkisins
„Við erum stödd á víðsjárverðum tímum“
Mesta flóð frá 2013
Búa sig undir verkfallsaðgerðir
Aðalmeðferð í Neskaupstaðamáli í febrúar
Tæma Árnagarð