Samþykktu tillögu um að fjarlægja vöruhúsið
Setja bókamerki
Á fjölmennum íbúafundi í Breiðholti um skipulagsmál í Suður-Mjódd í gær var samþykkt ályktun um að vöruhúsið sem er að rísa við Álfabakka 2a verði fjarlægt.
Félag sjálfstæðismanna í Skóga- og Seljahverfi stóð fyrir fundinum. Hildur Björnsdóttir, oddviti Sjálfstæðisflokks í borgarstjórn, Kristján Halldórsson, formaður húsfélagsins Árskógum 7, og Hilmar Björnsson arkitekt fluttu erindi á fundinum þar sem Helgi Áss Grétarsson, varaborgarfulltrúi Sjálfstæðisflokks, var fundarstjóri.
„Fjölmennur íbúafundur haldinn fimmtudaginn 16. janúar 2025 um skipulagsmál í Suður-Mjódd ályktar að vöruhúsið sem er að rísa við Álfabakka 2a verði fjarlægt,“ segir í færslu Helga Áss á Facebook-síðu íbúasamtakanna Betra Breiðholt.
Borgarstjórn samþykkti á dögunum að fara í stjórnsýsluúttekt á skipulagsferli við Álfabakka 2a þar sem stærðarinnar vöruhús hefur risið, íbúum til mikils ama.
Reykjavíkurborg og uppbyggingaraðilar vinna nú að tillögum um breytingar á húsinu vegna harðrar gagnrýni sem upp kom þegar húsið reis með miklum hraða. Einnig hefur borgarstjóri boðað samráð og samvinnu við Búseta og íbúa í nágrenni hússins.
Lokað þinghald í Krýsuvíkurmáli
Lögreglumönnum fjölgað: Fáliðuð lögregla ógn
Hægari vindur gæti auðveldað slökkvistarf
Ráðinn til 2028 – vonast til að vera lengur
Íbúarnir kvarta yfir óbærilegum hávaða
„Sérfræðingar að sunnan“ spyrja ekki íbúana