Snjó hefur kyngt niður á Akureyri frá því seint í gærkvöld. Að sögn lögreglunnar hafa ekki skapast nein vandræði vegna ofankomunnar.

„Það kyngdi vel niður snjó í nótt og það eru kannski eitthvað um 20 sentímetrar af jafnföllum púðursnjó í bænum og það snjóar enn,“ segir Árni Páll Jóhannsson, aðalvarðstjóri hjá lögreglunni á Akureyri, við mbl.is.

Það byrjaði að snjóa á Akureyri seint í gærkvöld og það snjóar enn. mbl.is/Þorgeir Baldursson

Hann segir að mokstursmenn hafi farið snemma út í morgun og lögreglan hafi ekki fengið nein verkefni innanbæjar eða á fjallvegum tengd snjó eða ófærð.

Árni segir að það hafi verið allt autt áður en það byrjaði að snjóa í gærkvöld og því hafi enginn gamall snjór verið að þvælast fyrir.

mbl.is/Þorgeir

Tengdar fréttir

Veður

Fer að snjóa hressilega fyrir austan á morgun

• Óskað eftir aðstoð eftir að bíll fór út af vegi
• Vegir lokaðir og margir á óvissustigi
• Ferðalöngum ráðlagt að kanna aðstæður
• Von á talsverðu hríðarveðri: Vegir munu teppast

» Fleiri tengdar fréttir

• Blogga um frétt