Tengist mögulega Sundhnúkagígaröðinni
Setja bókamerki
„Við erum alveg vön að fá skjálfta á þessu svæði og þetta virðist vera að detta niður.“
Þetta segir Sigríður Magnea Óskarsdóttir, náttúruvársérfræðingur á Veðurstofu Íslands, í samtali við mbl.is en jarðskjálfti að stærðinni 3,3 mældist við Trölladyngju á Reykjanesi á öðrum tímanum í dag og hafa honum fylgt nokkrir eftirskjálftar.
Spurð hvort þessir skjálftar tengist Sundhnúkagígaröðinni segir Sigríður að sá möguleiki sé fyrir hendi.
„Þetta er á þessu gikkskjálftasvæði sem oft koma gikkskjálftar,“ segir hún en engar tilkynningar hafa borist um að skjálftinn hafi fundist í byggð.
Landris og kvikusöfnun undir Svartsengi heldur áfram og ef kvikusöfnun heldur áfram á svipuðum hraða munu 12 milljón rúmmetrar af kviku hafa safnast undir Svartsengi í lok janúar eða byrjun febrúar.
„Landrisið þar heldur áfram á svipuðum hraða og það fer kannski að draga til tíðinda í Sundhnúkagígaröðinni um mánaðamótin ef fram heldur sem horfir,“ segir Sigríður.
„Aldrei tekist áður í heiminum“
760 manns eru í vinnu í Grindavík
Veltir deilumálinu fyrir sér
Sigldu yfir tún til að bjarga innlyksa konu
Mærir starfskrafta og samfélagssýn Þórðar Snæs
Gullhúðun stöðvar Hvammsvirkjun
Fagnar brú sem hann áður gagnrýndi
Plástrameðferðir sem duga skammt
