Rýmingu er lokið í Neskaupstað og á Seyðisfirði
Unnið að snjómokstri í Neskaupstað. Mynd úr safni.
mbl.is/Eggert Jóhannesson
Setja bókamerki
Rýmingu, sem tók gildi klukkan 18 í Neskaupstað og á Seyðisfirði, er lokið. Íbúar á rýmingarsvæðum eru í heild um 170. Allir eru komnir með húsaskjól.
Þetta kemur fram í tilkynningu frá lögreglunni á Austurlandi.
Öll starfsemi óheimil
Líkt og mbl.is greindi frá fyrr í kvöld var viðbótarrýming ákveðin af hálfu Veðurstofu Íslands á þremur rýmingarreitum á Seyðisfirði, reitum SE03, SE04 og SE05.
Þar er um atvinnuhúsnæði að ræða, m.a. gistiheimili. Gert var ráð fyrir að rýmingu lyki fljótlega en hún tók gildi kl. 20.
Lögregla vekur athygli á að öll starfsemi er óheimil í húsunum meðan á rýmingu stendur. Þau verða því lokuð á morgun.
Svæðin sem viðbótarrýmingin tekur til eru lituð gul á myndinni.
Ljósmynd/Lögreglan
„Ekkert horft á þarfir samfélagsins“
Plástrameðferðir sem duga skammt
Orðið lúxusvandamál að velja lögin
„Ég sé ljósið, ég sé ljósið, ég sé ljósið“
Appelsínugul viðvörun á Austurlandi og Austfjörðum
140 þurfa að yfirgefa heimili sín
Rýmingar í Neskaupstað og á Seyðisfirði
Ísland í úrslitaleik eftir risasigur