Veitir átta fjölskyldum húsaskjól

„Hér eru allir bara frekar slakir. Þangað til nýju varnargarðarnir verða kláraðir þá getum við átt von á þessu svona rýmingu allavega einu sinni á ári,“ segir Guðröður Hákonarson, hót­eleig­andi á Hildi­brand hót­el í Neskaupstað, kokk­ur og fyrr­um bóndi.

Rýma þurfti hluta bæjarins vegna snjóflóðahættu og hefur Guðröður veitt á þriðja tug manna húsaskjól sem þurftu að yfirgefa heimili sín. 

Guðröður var að ryðja snjó frá hótelinu þegar mbl.is náði spjalli af honum.

Frétt af mbl.is

„Grét yfir lauknum í morgun“

Sama svæði rýmt og flóð féll á 2023

„Ég er með átta fjölskyldur sem eru í íbúðum hjá mér og þau eru í fæði líka,“ segir Guðröður. 

Guðröður hefur reglulega komið húsaskóli yfir fólk sem er á vergangi í bænum vegna rýminga. Þannig var Guðröður með um 200 manns í mat á degi hverjum þegar stór hluti bæjarins var rýmdur eftir snjóflóð árið 2023. Lenti það á húsum í Mýrarhverfi og urðu miklar skemmdir á bílum og húsnæði en enginn slasaðist þó alvarlega. Núverandi rýming nær eingöngu til þess svæðis nú. 

Um 40-50 sentimetrar af snjó fell í nótt að sögn Guðröðar. Ljósmynd/Guðröður Hákonarson

Vinna við varnargarða vel á veg komin  

„Það er töluvert mikill jafnfallinn snjór en þetta eru engin ósköp. Það féllu kannski 40-50 sentimetrar í nótt,“ segir Guðröður. 

Varnargarðarnir við Neskaupstað eiga að rísa á þremur árum en vinna að þeim hófst í sumar. Að sögn Guðröðar virðist vinna við garðana ganga vel og þeir séu að taka á sig mynd. 

• Blogga um frétt