Íslenska ríkið braut á Jóhannesi Baldurssyni, fyrrverandi framkvæmdastjóra markaðsviðskipta hjá Glitni banka, þegar hann var dæmdur í BK-44 málinu svokallaða. Þetta er niðurstaða Mannréttindadómstóls Evrópu, en dómstóllinn segir að Hæstiréttur hafi ekki rökstutt sakfellingu Jóhannesar á fullnægjandi hátt.

Dómstóllinn kvað upp dóm sinn í morgun, en um var að ræða fjögur mál sem Jóhannes og Birkir Kristinsson, fyrrverandi starfsmaður einkabankaþjónustu Glitnis, vísuðu til Mannréttindadómstólsins vegna málsmeðferðar og dóms í BK-44 málinu.

Var ríkinu gert að greiða Jóhannesi 4.000 evrur í skaðabætur og 8.000 evrur í kostnað vegna málsins, eða samtals um 1,8 milljónir.

Frétt af mbl.is

Dómar í BK-44 máli mildaðir

Mannréttindadómtsóllinn tók ekki undir kröfur Birkis Kristinssonar í málinu og taldi að ekki hafi verið brotið á honum við meðferð BK-44 málsins, en þar hlaut hann fjögurra ára dóm.

Ekki brot í öðrum liðum

Mannréttindadómstóllinn hafnaði öðrum liðum í kvörtunum Birkis og Jóhannesar, en þær náðu einnig til ákvæðis Mannréttindasáttmálans sem tekur til sanngjarnra málsmeðferðar. Töldu þeir báðir að dómari hefði verið hlutdrægur. Þá taldi Birkir að Hæstiréttur hefði brotið á sér með því að ekki væri endurtekin munnleg skýrslutaka fyrir réttinum. Jóhannes kvartaði einnig yfir framkvæmd á yfirheyrslum yfir sér og lengd málsmeðferðar.

Í málinu voru Birkir og Jóhannes, ásamt tveimur öðrum starfsmönnum bankans ákærðir fyrir umboðssvik, markaðsmisnotkun og brot á lögum um ársreikninga.

Ákær­an kom til vegna 3,8 millj­arða lán­veit­ing­ar bank­ans til fé­lags­ins BK-44 í nóv­em­ber 2007. Fé­lagið var í eigu Birk­is og voru Jó­hann­es og hinir tveir ákærðir fyr­ir umboðssvik með því að veita fé­lag­inu lánið sem notað var til að kaupa bréf í Glitni. Birk­ir var svo ákærður fyr­ir hlut­deild í brot­inu. BK-44 seldi hlut­ina á ár­inu 2008 þegar gert var upp við fé­lagið nam tap Glitn­is tveim­ur millj­örðum króna.

Hæstiréttur mildaði á sínum tíma dóm héraðsdóms í málinu og dæmi Birki í fjögurra ára fangelsi, Jóhannes í þriggja ára fangelsi og hina tvo í fjögurra og tveggja ára fangelsi.

Síðar féllst endurupptökunefnd á að mál eins mannsins væri endurupptekið vegna fjárhagslegra hagsmuna Markúsar Sigurbjörnssonar, eins dómara málsins, en Markús tapaði átta milljónum á falli Glitnis. Hæstiréttur vísaði enduruppteknu máli hins vegar frá og vísaði til þess að upphæð þeirra fjármuna sem Markús hefði tapað hefði ekki verið talin veruleg.

Tengdar fréttir

BK-44 málið

Dómari ekki vanhæfur og málinu vísað frá

• Fallist á endurupptöku í BK-44-máli
• Ranglega aftur að sakborningi
• Dómar í BK-44 máli mildaðir
• Allir hafa áfrýjað til Hæstaréttar

» Fleiri tengdar fréttir

• Blogga um frétt