Útlit er fyrir átakalítið veður á landinu um helgina og að það verði fínasta vetrarveður.

Hrafn Guðmundsson veðurfræðingur segir að það fari heldur kólnandi og það frysti á öllu landinu.

Hann segir að víða verði úrkoma á landinu í dag en það dragi úr henni sunnanlands á morgun en norðan til verði snjókoma á morgun en él á sunnudaginn. Það birti hins vegar til sunnanlands á sunnudaginn. 

Fer að snjóa suðvestanlands í kvöld

Hrafn segir að það byrji að snjóa suðvestanlands í kvöld og það verði snjókoma fram á nótt úr skilum sem hangi yfir í kvöld og í nótt.

„Það er ekkert til að hafa áhyggjur af. Þetta verða nokkrir sentímetrar af snjó sem geta fallið sunnan- og vestanlands. Þessi ofankoma ætti ekki að valda neinum vandræðum,“ segir hann.

Tengdar fréttir

Veður

Vegir gætu orðið þungfærir eða ófærir

• Mögulega raskanir á flugi til Írlands og Skotlands
• Rýna í rýmingar á morgun
• Þrjú snjóflóð og tvö þeirra yfir veg
• Óvenjukalt í veðri

» Fleiri tengdar fréttir

• Blogga um frétt