Hálka á flugbrautinni en ekkert að flugveðri

Búið var að ryðja flugbrautina á Reykjavíkurflugvelli sem flugvélin lenti á áður en henni hlekktist á og hafnaði utan brautar.

Hálka var á flugbrautinni en ekkert var að flugveðri.

Þetta segir Ragnar Guðmundsson, flugvélaverkfræðingur og rannsakandi hjá rannsóknarnefnd samgönguslysa, í samtali við mbl.is.

Frétt af mbl.is

Flugvél rann út af flugbraut við lendingu

Einn um borð en sakaði ekki

Einn var um borð í vélinni að sögn Ragnars og sakaði hann ekki. Að öðru leyti getur hann lítið tjáð sig um atvikið. „Við erum í rauninni bara að skoða þetta og það er ekkert meira sem ég get sagt á þessu stigi.“

Ragnar segir erfitt að segja til um hversu langan tíma tekur að rannsaka atvikið en segir þó að vanalega taki slíkar rannsóknir einhverja mánuði.

• Blogga um frétt