Inga Rún Ólafsdóttir, formaður samninganefndar Sambands íslenskra sveitarfélaga, segist munu nýta allan þann tíma sem gefst til að reyna að leysa kjaradeiluna við Kennarasamband Íslands. Mikið sé í húfi.

Ríkissáttasemjari lagði fram innanhústillögu í kjaradeilu kennara, ríkis og sveitarfélaga nú fyrir skömmu sem jafngildir kjarasamningi verði hún samþykkt.

Tillagan felur meðal annars í sér að deila um jöfnun launa á milli markaða verði útkljáð með virðismati og verkáætlun til 20 mánaða.

Frétt af mbl.is

Svona er tillaga sáttasemjara: Hafa fram á laugardag

Mikið í húfi og allur tími nýttur

„Við fengum hana afhenta áðan og núna förum við og skoðum hana með okkar baklandi,“ segir Inga í samtali við mbl.is en samninganefndir hafa til klukkan 13 á laugardaginn til að taka afstöðu til tillögunnar.

„Við notum daginn á morgun í það og fyrir hádegi á laugardaginn.“

Gerir Inga ráð fyrir að samninganefnd kennara geri slíkt hið sama þar sem mikið sé í húfi.

Að öllu óbreyttu hefjast verkfallsaðgerðir á mánudag í fjórtán leikskólum og sjö grunnskólum.

Þá munu framhaldsskólakennarar greiða atkvæði um ótímabundin verkföll í nokkrum framhaldsskólum strax í byrjun febrúar.

Bestu samningarnir þegar allir eru jafn ósáttir

„Það verða allir að vera jafn sáttir, eða jafn ósáttir skulum við segja, við þessa tillögu,“ segir Inga og bætir við:

„Það eru alltaf bestu samningarnir þegar allir eru jafn ósáttir.“

Tengdar fréttir

Kjaraviðræður

„Eins og umboðsmanni barna sé alveg sama um það“

• Svona er tillaga sáttasemjara: Hafa fram á laugardag
• Kjaradeilum við Sorpu vísað til ríkissáttasemjara
• „Frumskylda mín að huga að börnunum mínum“
• Leggur fram innanhústillögu í kjaradeilu kennara

» Fleiri tengdar fréttir

• Blogga um frétt