Er bókin ónothæf eða góð yfirferð?
Setja bókamerki
ADHD-samtökin gera alvarlegar athugasemdir við grænbók um stöðu ADHD-mála á Íslandi. Grænbókin kom nýverið út og var skrifuð af þar til skipaðri nefnd af þáverandi heilbrigðisráðherra, Willum Þór Þórssyni, fyrir rúmlega ári.
Segja ADHD-samtökin í umsögn sinni í samráðsgátt að þau fagni að grænbókin hafi verið gerð, en telja þó alvarlega annmarka á vinnu starfshópsins. Segja þau núverandi útgáfu algerlega ónothæfa sem grundvöll frekari stefnumótunar í málaflokknum.
Fjallað var um grænbókina í Morgunblaðinu síðasta mánudag þar sem meðal annars kom fram að grænbókarnefndin teldi að gæðum á bæði greiningum og meðferð við taugaþroskaröskuninni ADHD væri ábótavant. Segir Alma Möller heilbrigðisráðherra í skriflegu svari til blaðsins að ráðherra muni í framhaldi af grænbókarvinnunni meta stöðuna og hvað megi betur fara. Á meðal þess sem fram kemur í grænbókinni er að vísbendingar eru um að greiningum á ADHD hafi fjölgað gríðarlega mikið á síðustu árum og að notkun örvandi lyfja við ADHD hafi einnig stóraukist.
Þessu hafna ADHD-samtökin í umsögn sinni og telja engin haldbær gögn eða rannsóknir styðja þær fullyrðingar sem kallaðar eru glæfralegar af samtökunum.
Nánar í Morgunblaðinu í dag.
„Þetta er auðvitað í höndum kennara núna“
Hvorki Danir né Bandaríkjamenn að grínast
Pelicot yfirheyrður vegna óupplýstra mála
Fuglainflúensa greindist í ref
Íþróttafélög fara á hausinn
Máli foreldra gegn kennurum vísað frá
„Frumskylda mín að huga að börnunum mínum“
Yrði leiðinlegt líf án smá átaka