Stjórn Kennarasambands Íslands hefur borist ábending um hugsanlegt verkfallsbrot í leikskóla Snæfellsbæjar.

Magnús Þór Jónsson formaður sambandsins segir það munu skoða málið betur í dag.

Verkföll hófust í fjórtán leikskólum og sjö grunnskólum víða um landið í morgun.

Samninganefndir kennara, ríkis og sveitarfélaga funduðu alla helgina um innanhússtillögu sem ríkissáttasemjari lagði fram. Samninganefndir komust þó ekki að niðurstöðu og skullu verkföll á í morgun.

Fulltrúar KÍ hafa í dag heimsótt nokkra leikskóla í verkfallsvörslu. Færð og veður hafa þó sett strik í reikninginn. Að undanskildu hugsanlega verkfallsbrotinu í Snæfellsbæ hefur verkfallið gengið þokkalega, að sögn formannsins.

Tengdar fréttir

Kjaraviðræður

„Skömm að því“

• Greiða atkvæði um ótímabundin verkföll í dag
• Verkföll kennara hafin á ný
• Enn er fundað í Karphúsinu
• „Tíminn er að renna frá okkur“

» Fleiri tengdar fréttir

• Blogga um frétt