Vatnsflaumurinn tók niður staur í Kópavogsdal

Síðustu daga hefur mikið vatnsveður verið á stærstum hluta landsins. Hefur asahlákan valdið því að allur jarðvegur er mjög blautur og hækkað hefur í lækjum og ám.

Í Kópavogsdal bættist svo við að dæla þurfti upp gríðarlegu magni af vatni úr bílakjallara verslunar- og skrifstofuhúsnæðisins á Dalvegi 30. Var vatninu beint inn á Dalveg og rann þar niður götuna og niður í dalinn þar sem göngu- og hjólastígar liggja.

Frétt af mbl.is

„Ég var vakin klukkan fjögur í nótt“

Er þetta lægsti punkturinn á göngustígnum á þessum kafla. mbl.is/Þorsteinn

Í öllum þessum vatnsflaumi þurfti eitthvað að gefa eftir og í morgun mátti sjá að þar hafði runnið undan stígnum og staur fallið sem jafnan heldur uppi speglum til að gæta öryggis vegfarenda sem koma úr undirgöngum þarna við hliðina á.

Í skriðusárinu mátti jafnframt sjá varúðarborða vegna rafmagnsvírs sem þarna á að vera undir.

Frétt af mbl.is

Mikið vatn ógnaði rafmagni og tölvukerfum

Jarðvegurinn virðist hafa gefið eftir út af vatnsflaumi um helgina. Rétt ofar á Dalveginum er skrifstofuhúsnæðið þar sem flæddi ofan í kjallara og þurfti að dæla miklu magni vatns þar upp á laugardaginn. mbl.is/Þorsteinn

• Blogga um frétt