Almannavarnir höfuðborgarsvæðisins biðla til forsjáraðila barna að fylgja börnum sínum í skólann á morgun og fimmtudag vegna slæmrar veðurspár en appelsínugul veðurviðvörun hefur verið gefin út fyrir höfuðborgarsvæðið á morgun og fimmtudag. 

Í tilkynningu sem send hefur verið á fjölmiðla er ítrekað að röskun geti orðið á frístundastarfi og skipulögðum æfingum í lok skóladags og að mikilvægt sé að forsjáraðilar séu tilbúnir að sækja börn í skóla og frístundastarf ef þess þarf. 

Frétt af mbl.is

Illviðri spáð á morgun

„Vænta má sterkari vinda í efri byggðum höfuðborgarsvæðisins. Við mælum með því að börn séu í fylgd fullorðinna þar sem hálka getur leynst með rigningu og snjókomu.“

Appelsínugul veðurviðvörun er í gildi fyrir allt landið á morgun og taka fyrstu viðvaranir gildi kl 14 á morgun á höfuðborgarsvæðinu, Suðurlandi, Faxaflóa og Breiðafirði og síðar í öðrum landshlutum og gilda þær fram á nótt. 

Tengdar fréttir

Veður

Öllum stöðvum Sorpu lokað vegna veðurs á morgun

• Icelandair og Play aflýsa fjölda flugferða
• Mikil úrkoma og skólp flæðir í sjóinn
• Myndir: Víða tjón eftir kröftuga vindhviðu
• Illviðri spáð á morgun

» Fleiri tengdar fréttir

• Blogga um frétt