Eldingum sló niður á mínútu fresti í um tuttugu mínútur í Þorlákshöfn nú í kvöld. Gísli Sigurður Gunnlaugsson, íbúi í Þorlákshöfn, tók eldingarnar upp á myndband og klippti saman. 

Hann segir að miklar drunur hafi fylgt eldingunum en að börnin hans, fjögurra og sjö ára, hafi verið afar áhugasöm um eldingarnar og fylgst með þeim slá niður. 

Einar Sveinbjörnsson veðurfræðingur sagði í samtali við mbl.is fyrr í dag að eldingarnar komi með krappri lægð sem gengur nú yfir landið. Í lægðinni myndast kuldaskil sem koma úr vestri og þá skapast andstæður, bæði í kulda og hita, sem myndar línu sem er svokallaður eldingaveggur og færist með lægðinni. 

Frétt af mbl.is

Myndskeið: Eldingu sló niður í Hallgrímskirkjuturn

Tengdar fréttir

Veður

Háskóli Íslands aflýsir kennslu

• Geymsluskúr sprakk á Suðurnesjum í vindhviðum
• Ólafsvíkingar létu veðurhaminn ekki aftra sér
• Mjólkárlína og Glerárskógarlína fóru út
• Myndskeið: Eldingu sló niður í Hallgrímskirkjuturn

» Fleiri tengdar fréttir

• Blogga um frétt