Makaði saur um allt á klósetti fyrirtækis

Engin dagur er eins hjá lögreglunni á höfuðborgarsvæðinu og voru lögregluþjónar kallaðir út í fjölbreytt verkefni í dag. 

Meðal þess sem tilkynnt var um í dag var aðili sem búinn var að maka saur um allt inni á salerni fyrirtækis í Laugardal.

Ekki kom fram í dagbók lögreglu um hvaða fyrirtæki hefði verið að ræða en að viðkomandi aðila hefði verið vísað á dyr af lögreglu.

Var „erfiðum viðskiptavini“ einnig vísað út frá verslun í miðbæ Reykjavíkur en ekki kemur fram hvað í hegðun viðskiptavinarins hafi kallað á aðstoð lögreglu.

Þá brást lögregla sömuleiðis við nokkrum útköllum vegna heimilisófriðar og ágreinings í fjölbýlishúsi.

• Blogga um frétt