Velti upp lögfestingu ensku og pólsku sem opinberra tungumála

Logi Ein­ars­son, menn­ing­ar-, ný­sköp­un­ar- og há­skólaráðherra, seg­ir að hjálpa eigi þeim 70 þúsund ný­bú­um, sem eiga ís­lensku ekki sem fyrsta mál, að læra tungu­málið.

Við eig­um ekki að gera kröfu um það og aldrei um að það kunni hana frá fyrsta degi.

Þetta kom fram í svari Loga við fyr­ir­spurn Snorra Más­son­ar, þing­manns Miðflokks­ins, sem lýsti áhyggj­um sín­um á stöðu ís­lensk­unn­ar í óund­ir­bún­um fyr­ir­spurna­tíma á Alþingi í dag.

Spurði Snorri ráðherra hvort það væri eðli­legt skref að lög­festa stöðu ensku og pólsku sem op­in­berra mála í land­inu?

Til­efnið var ræða Loga í umræðum um bók­mennta­stefnu þar sem ráðherr­ann sagði að þar sem fleiri en áður séu hér á landi sem tali ekki ís­lensku sem fyrsta mál þurfi að mæta þeim veru­leika af skiln­ingi og umb­urðarlyndi og að við þyrft­um að búa okk­ur und­ir að þanni muni ver­öld­in breyt­ast.

Frétt af mbl.is

Grunn­skóla­börn á biðlista eft­ir ís­lensku­kennslu

Notuð til hliðar við ís­lensku

Spurði Snorri þá, úr því að raun­veru­leik­inn í sam­fé­lag­inu sé á þá leið, hvort Logi telji eðli­legt að við lög­fest­um stöðu ensku og pólsku í land­inu sem op­in­berra mála, fyrst við séum að mæta stöðunni af skiln­ingi og umb­urðarlyndi?

„Auðvitað ekki,“ sagði Logi. Sagði hann alla áherslu verða lagða á það að kenna öll­um ís­lensku sem hingað komi og vilji búa og auðvitað þurfi ekki að lög­festa önn­ur tungu­mál en ís­lensku og tákn­mál á ís­lensku eins og sé í dag.

Snorri benti þá á að bæði enska og pólska væri notuð til hliðar við ís­lensk­una af Stjórn­ar­ráðinu, af hálfu skóla­yf­ir­valda, í rík­is­miðlin­um og víða ann­ars staðar hjá hinu op­in­bera.

Spurði hann þá hvort ráðherra væri til­bú­inn að beina því til stofn­ana sam­fé­lags­ins að forðast alla notk­un út­lensku ef ekki ætti að lög­festa er­lend tungu­mál.

Frétt af mbl.is

Íslend­ing­ar eft­ir­bát­ar Eista

Geti auðveldað inn­gild­ingu

Logi svaraði af­drátt­ar­laust neit­andi. Hann sagðist telja í ljósi virðing­ar, kurt­eisi, sann­girni og skiln­ingi sem við ætt­um að sýna ætt­um við að hvetja fjöl­miðla og op­in­ber fyr­ir­tæki til að miðla upp­lýs­ing­um þannig að sem flest­ir íbú­ar lands­ins geti nýtt sér þjón­ustu og jafn­vel lýðræðis­leg­an rétt sinn í sveit­ar­stjórn­ar­kosn­ing­um og annað.

Ítrekaði hann að við vær­um ekki kom­in á það stig að festa notk­un er­lendra tungu­mála í lög. Sagði hann að nota bæri heil­brigða skyn­semi. Sagðist hann telja að það að miðla texta á pólsku og ensku geti auðveldað inn­gild­ingu í sam­fé­lag­inu.

• Blogga um frétt