Baldur: Bandaríkin vilja ráða yfir Íslandi
Setja bókamerki
Tengdar fréttir
Donald Trump Bandaríkjaforseti
„Það er líklega eingöngu tímaspursmál hvenær bandarískir ráðamenn munu tala um mikilvægi þess að þeir ráði yfir Íslandi,“ skrifar Baldur Þórhallsson, prófessor í stjórnmálafræði við Háskóla Íslands, í færslu á Facebook.
Tilefnið er áhugi Bandaríkjamanna á Grænlandi.
Baldur segir það lengi hafa legið fyrir að Bandaríkjamenn telji að Ísland sé mikilvægt fyrir varnir þeirra og sé á yfirráðasvæði þess. „Það kæmi ekki á óvart að krafa nýrra valdhafa yrði afdráttarlaus: Ísland á að vera leppríki Bandaríkjanna - rétt eins og önnur ríki á áhrifasvæði þess,“ skrifar Baldur.
Reki útþennslustefnu
Jafnframt segir Baldur nýja valdhafa í Bandaríkjunum reka afdráttarlausa útþennslustefnu „Um það þarf enginn lengur að efast. Þeir segja það sjálfir berum orðum. Þeir ætla að tryggja að Bandaríkin ráði stjórnarstefnu ríkja í næsta nágrenni sínu. Val ríkja í Norður- og Mið-Ameríku liggur í því að verða hluti af Bandaríkjunum eða leppríki þess.“
Segir Baldur Bandaríkin hingað til hafa alfarið ráðið hvaða hernaðarlegur viðbúnaður sé hér á landi. Það muni ekki breytast.
„Stjórnvöld í Bandaríkjunum munu ekki sætta sig við neitt annað. Þau tryggðu einnig með afdráttarlausum yfirlýsingum Pence varaforseta Trumps á hans fyrra kjörtímabili að Ísland tæki ekki boði kínverska stjórnvalda um þátttöku í Belti og Braut - stórtæku samgöngu- og viðskiptaverkefni.
Stóra spurning núna er hvort að nýir valdhafar í Washington muni krefjast þess að Ísland snúi sér alfarið að Bandaríkjunum og láti allar hugmyndir um nánari varnar- og efnahagssamvinnu og viðskipti við önnur Evrópuríki lönd og leið,“ skrifar Baldur.
Munu Bandaríkin skipta sér að þjóðaratkvæðagreiðslunni?
Þá veltir Baldur fyrir sér hvort Bandaríkjamenn muni reyna að hafa áhrif á fyrirhugaða þjóðaratkvæðagreiðslu um hvort Ísland halda eigi áfram aðildarviðræðum við Evrópusambandið. Ríkisstjórnin hefur boðað þjóðaratkvæðagreiðslu eigi síðar en árið 2027.
„Bandaríkin hafa þar til í forsetatíð Trumps ekki bara stutt nánari efnahagssamvinnu Evrópuríkja heldur þrýst mjög á nánari samvinnu ríkja innan Evrópusambandsins. Nú kveður við nýjan tón. Nýir valdhafar telja að Evrópusambandið vinni gegn hagsmunum Bandaríkjanna og að Grænland eigi að tilheyra Bandaríkjnum. Í ljósi þessa kæmi ekki á óvart að bandarísk stjórnvöld beittu sér gegn því að Íslandi tæki aftur upp aðildarviðræðurnar við ESB,“ skrifar Baldur.
Tengdar fréttir
Donald Trump Bandaríkjaforseti
Mjög alvarlegt slys
Skjálftavirkni á um 20 kílómetra löngu svæði
Lítið hægt að gera ef hraun rynni að húsum
Sprungan nú 1,2 km að lengd
Óvenjuleg þróun: Fylgjast með og bæta við mælum
Vilja banna einkaþotur og þyrluflug
Ekki sannfærður um túlkun Veðurstofunnar
