Messuvín ekki framleitt lengur

Framleiðslu messuvíns hefur verið hætt á Íslandi þar sem það var ekki talið svara kostnaði að framleiða það lengur. Messuvínið var ekki bruggað, heldur var það blandað hjá Áfengis- og tóbaksverslun ríksins. Í blöndunni var rauðvín og oftast sérrí eða annað svipað vín. Í staðinn kaupa flestir prestar nú rautt púrtvín til að hafa í messum sínum samkvæmt upplýsingum frá ÁTVR.

Púrtvínið þykir svipað eða jafnvel betra en messuvínið. Styrkur áfengis í púrtvíni er í kringum 19%, en messuvínið var 18%.