Forseta Íslands boðið í afmælisveislu Svíakonungs

Karl Gústaf, konungur Svíþjóðar, hefur boðið Ólafi Ragnari Grímssyni, forseta Íslands og Dorrit Moussaieff, forsetafrú, að taka þátt í hátíðarhöldum í Stokkhólmi næstkomandi laugardag og sunnudag í tilefni af sextugsafmæli konungs.

Meðal atburða verða hátíðardansleikur á laugardagskvöld í Drottningholm höllinni, guðsþjónusta að morgni sunnudags og hádegisverður í boði forseta sænska þingsins í ráðhúsi Stokkhólmsborgar. Að kvöldi sunnudags verða tónleikar og hátíðarkvöldverður í konungshöllinni.

• Blogga um frétt