Íhugar að flytja til Danmerkur vegna banns við snáknum á Íslandi

Eigandi snáksins sem fannst við húsleit á Egilsstöðum er mjög ósáttur við reglur á Íslandi sem leggja bann við því að snákar séu hafðir sem gæludýr. Íhugar Kristófer Leifsson, fyrrum snákaeigandi, að flytja til Danmerkur í þeim eina tilgangi að geta átt snák sem gæludýr.

Við húsleit lögreglunnar í íbúð á Egilsstöðum um helgina fannst m.a. svokallaður cornsnákur. Var snákurinn aflífaður og mun fulltrúi heilbrigðiseftirlits annast eyðingu á hræinu, samkvæmt upplýsingum frá lögreglu.

„Því miður ólöglegt að eiga snáka sem gæludýr," segir Kristófer í samtali við Fréttavef Morgunblaðsins. Segir hann cornsnáka mjög þægilega í umgengni, þeir séu tannlausir og ekki eitraðir.

Kristófer var búinn að eiga snákinn í um tvö ár en hann keypti hann á Íslandi á netinu. Hann staðfestir að snákar gangi kaupum og sölum hér á landi en það hafi að vísu verið talsvert mál að fá snákinn keyptan, „en hvað leggur maður ekki á sig fyrir gott gæludýr," segir Kristófer.

Kristófer segist eiga von á ákæru fyrir ólöglega dýraeign en einhver lét lögreglu vita af snáknum á heimili Kristófers.

• 5 blogg um fréttina

Bloggað um fréttina

• Björn Zoéga Björnsson: Bless bless og góða ferð
• Óskar Þorkelsson: salmonella kemur til landsins eftir ýmsum leiðum.
• Yngvi Högnason: Mannvonska
• Jenný Anna Baldursdóttir: Gæludýr minn afturendi
• Linda: Hvurslags árátta er þetta eiginlega