Innlent | Kosningar | mbl | 10.11.2024 | 15:38

„Fyrir þessu berjumst við með kjafti og klóm“

Flokkur fólksins hefur nefnt að það ætti að eiga við persónuafsláttinn þannig að hann fari stiglækkandi eftir því sem laun verða hærri. Kolbrún Áslaugar Baldursdóttir, sem skipar annað sæti á lista Flokk fólksins í Reykjavík suður, segist átta sig á að eitthvað þurfi að sækja fé.

„Það er meira en tilfærsla persónuafsláttar. Það hefur verið nefndur bankaskattur, hátekjuskattur og fleira í því sambandi.“

Vill hjálpa þeim sem minna mega sín

Segir hún orðið mikinn mun og æ meiri mun milli þeirra sem eru með lítið á milli handanna og þeirra sem eru með mikið. „Við erum að sjá margra milljóna króna mun á launum.“

Kolbrún, sem kemur úr borgarpólitíkinni, segist munu halda áfram að berjast, á vettvangi landsmálanna, fyrir málefnum fólks sem hefur það ekki eins gott og annað fólk. Hún vill hjálpa þeim sem minna mega sín, hafa veikst eða eru í virkilegum erfiðleikum með grunnþarfirnar.

„Fyrir þessu berjumst við með kjafti og klóm.“