Sjálfstæðisflokkur og Samfylking bítast um forystuna
Setja bókamerki
Sjálfstæðisflokkurinn og Samfylkingin eru hnífjöfn samkvæmt nýjustu kosningaspá Metils, og mælast báðir flokkar með fylgi að miðgildi 18%. Er um nokkrar sviptingar að ræða frá síðustu spá Metils, en þar var Viðreisn með flest þingsæti.
Í rökstuðningi Metils segir að tvær nýjar fylgiskannanir frá Maskínu og Prósent hafi nokkur áhrif á líkanið. Þá hafi það einnig áhrif að færri dagar séu til kosninga, en þá minnkar óvissan í líkaninu og vægi kannana eykst á kostnað sögulegra gagna.
Samkvæmt spánni mælist Viðreisn með 16% fylgi að miðgildi, en flokkurinn var með 17% miðgildi í síðustu spá Metils. Þá sækir Flokkur fólksins í síg veðrið samkvæmt spánni.
Píratar og Sósíalistar auka líkur sínar á að ná inn manni
Í rökstuðningi Metils er einnig vikið að 5% þröskuldinum og þar kemur í ljós að bæði Píratar og Sósíalistar hafa aukið líkur sínar samkvæmt spálíkaninu á því að ná yfir þröskuldinn. Eru því nokkrar líkur á því að annar eða báðir nái mönnum inn á þing.
Líklegasta útkoman samkvæmt nýjustu spá er að sjö flokkar nái þingmönnum, en á því eru um það bil helmings líkur samkvæmt tölfræðilíkani Metils.
Metill hyggst birta lokaspá sína annað kvöld eftir að síðustu kannanir hafa birst.
Hættumat lækkað fyrir Svartsengi og Grindavík
„Nú er nóg komið“
„Ég held að þetta sé allt saman á góðri leið“
Leggja nýjan veg í gegnum glóandi hraunið
Svartsengislína: Líklega aftur í rekstur fyrir helgi
Útboðið án samþykkis ráðuneytis
Kappræður leiðtoganna
„Eins og við séum að leggja börn á hlaðborð“
