Jóhanna og Davíð ræddu saman

Jóhanna Sigurðardóttir, forsætisráðherra, ræddi í síma við Davíð Oddsson, seðlabankastjóra, í morgun um það bréf sem seðlabankastjórum var sent í gær. Sagði Jóhanna á blaðamannafundi í Þjóðmenningarhúsinu í dag, að hún hefði ekki fengið skýr svör frá Davíð um hvort hann yrði við tilmælum ríkisstjórnarinnar um að víkja.

Jóhanna sagði, að Davíð væri staddur erlendis og hefði hringt í sig. Henni hefði virst hann þurfa meiri tíma til að skoða þessa nýju stöðu. Jóhanna sagðist ekki vilja upplýsa til hvaða ráða yrði gripið ef seðlabankastjórarnir vildu ekki segja af sér.  

Ríkisstjórnin afgreiddi á fundi sínum í dag frumvarp um breytingar á lögum um Seðlabankann þar sem gert er ráð fyrir að seðlabankastjóri verði einn og hann ráðinn á faglegum forsendum að undangenginni auglýsingu. Verður frumvarpið væntanlega lagt fram á Alþingi í vikunni og stefnt er að því að afgreiða það hratt.

Jóhanna sendi í gær bréf til bankastjóra Seðlabankans  þar sem hún upplýsti þá um um þessi áform og óskaði eftir því að seðlabankastjórarnir myndu víkja og ganga til viðræðna við stjórnvöld um starfslok.

Spurð hvort hvað starfslok bankastjóranna myndu kosta sagði Jóhanna að það lægi fyrir hvernig framkvæma eigi það þegar um starfslok sé að ræða. Rætt hafi verið um að starfslok bankastjórana myndi kosta allt að 200 milljónir króna en reynt verði að semja við þá um starfslok sem verði ekki óheyrilega dýr. Sagðist Jóhanna treysta seðlabankastjórunum til að líta ábyrgt á það umhverfi sem Ísland væri í og ganga til samninga.

Jóhanna sagðist telja, að 12 mánaða starfslok gætu verið viðunandi en á endanum hljóti stjórnvöld að meta meta meiri hagsmuni fyrir minni ef á það þurfi að reyna að fullu. Brýnt sé að breytingar verði á yfirstjórn Seðlabankans til að endurreisa trúverðugleika Íslands gagnvart alþjóðasamfélaginu.

• 17 blogg um fréttina

Bloggað um fréttina

• Gyða Dröfn Hannesdóttir: Hvað þarf hann að hugsa um!!!!
• Dögg Pálsdóttir: Ríkisstjórnin sópar ...
• Guðmundur Pétursson: Hannes Hólmsteinn, andlegur leiðtogi sjálfstæðismanna....
• Sigríður Laufey Einarsdóttir: Jóhanna beitir bolabrögðum?
• Úrsúla Jünemann: Davíð er dýr
• Hólmdís Hjartardóttir: Kóngurinn er að hugsa sig um.
• Baldvin Jónsson: Þetta er ekki spurning um hvort að Davíð hætti - …
• Heimir Lárusson Fjeldsted: Einelti Jóhönnu henni til vansa
• Páll Vilhjálmsson: Jóhanna biður Davíð að lýðskruma með sér
• Ólöf Karlsdóttir: Uppsögn
• S i g u r ð u r S i g u r ð a r s o n: Margt gáfulegra hægt að gera fyrir 200 millur
• Stefán Friðrik Stefánsson: Beðið eftir Davíð - hatrömm átök um Seðlabanka
• Baldur Gautur Baldursson: Ryksugan á fullu, étur alla drullu...
• Jenný Anna Baldursdóttir: Hætta að tala - gera
• Bergur Thorberg: Dæmalaus ósvífni
• Hafsteinn Viðar Ásgeirsson: Hann ætlar að láta reka sig karlskepnan!!!
• Gunnlaugur Bjarnason: Jóhanna komin í forheimska egóvímu