VG upp fyrir Sjálfstæðisflokkinn
Setja bókamerki
Vinstri grænir, Framsóknarflokkurinn og Borgarahreyfingin bæta við sig fylgi í nýjustu skoðanakönnun Gallup fyrir Morgunblaðið og RÚV miðað við síðustu könnun fyrir viku. Vinstri grænir fara á einni viku úr 24,6% í 26,2% en flokkurinn var með landsfund um síðustu helgi.
Samfylkingin heldur þó stöðu sinni sem stærsti stjórnmálaflokkurinn, með 30% fylgi, rúmu prósentustigi minna en fyrir viku. Um var að ræða net- og símakönnun sem var gerð dagana 18. til 25 mars. Heildarúrtaksstærð var 1.424 manns 18 ára og eldri. Svarhlutfall var 63,2%.
Fylgi Sjálfstæðisflokksins fer niður í 24,4%, var 26,5% fyrir viku, og hefur ekki verið minna í könnunum Gallup síðan í nóvember, er það mældist 20,6%. Í janúar sl. var fylgið einnig 24,4% en í síðustu þingkosningum fékk flokkurinn 36,6% atkvæða.
Framsóknarflokkurinn mælist nú með 12,5% fylgi, var 11,3% í síðustu könnun. Fylgið nú er mjög svipað og það var í mælingum Gallup vikurnar þar áður. Flokkurinn fékk 11,7% atkvæða í síðustu kosningum. Frjálslyndi flokkurinn er aðeins með 1,2% sem er minnsta fylgi sem Gallup hefur mælt frá síðustu kosningum, er flokkurinn fékk 7,3% atkvæða.
Hlutfallslega bætir Borgarahreyfingin við sig mestu fylgi frá síðustu könnun, eða úr 2,5% í 3,4%.
Samkvæmt könnuninni fengi Samfylkingin 20 þingmenn, Vinstri grænir 18, Sjálfstæðisflokkurinn 17 og Framsóknarflokkurinn átta.
Fylgi við ríkisstjórnina er 63,8%, svipað og síðast, og fleiri segjast ætla að kjósa, eða 76%.
Nánar er fjallað um málið í Morgunblaðinu í dag
Bloggað um fréttina
-
Nýr forsætisráðherra: Jóhanna eða Steingrímur?
-
VG upp fyrir Sjálfstæðisflokk !!!!!!!
-
Aðeins einn valmöguleiki
-
Borgarahreyfingin bætir við sig mestu fylgi
-
Fyrir hvað er verið að verðlauna stjórnarflokkana ??? SKATTAHÆKKANIR ?
-
Borgarahreyfingin er enn á flugi - bætir mest við sig …
-
já ,gott
-
Þetta er ekki í samræmi við mína skoðunarkönnun hér á …
-
Af hverju
-
Lofar góðu en...
-
Engan þarf að undra
-
Nýjasta könnunin er frábær fyrir vinstri flokkana.
-
Enn klúðrar íhaldið.
-
Lægst fylgi Samfylkingar í NA-kjördæmi!
-
Humm
-
Nú verður ekki aftur snúið
-
Fljúgandi sigling stjórnarflokkanna
-
Ekki leiðinlegt
-
Samfylking stærsti flokkurinn samkv. skoðanakönnun
-
VG upp fyrir Sjálfstæðisflokk