Björn Bjarnason, fyrrverandi alþingismaður, segir að sendiherra ESB gagnvart Íslandi hafi ráðist dólgslega á Sjálfstæðisflokkinn af því alkunna yfirlæti, sem sendimenn Evrópusambandsins telja sér sæma að sýna stjórnmálaflokkum og heilum þjóðum, ef menn beygja sig ekki þegjandi undir Brusselvaldið.

Percy Westerlund, sendiherra Evrópusambandsins gagnvart Noregi og Íslandi, sagði í viðtali við Ríkisútvarpið að það sé mikill misskilningur hjá Sjálfstæðisflokknum á Íslandi að halda að Alþjóðagjaldeyrissjóðurinn (AGS) geti komið því til leiðar eða haft milligöngu um að Íslendingar geti tekið upp evru. Einnig var fjallað um málið í fréttum Stöðvar 2.

Björn segir á heimasíðu sinni:

„Ástæða er til að vekja athygli á hinum makalausu viðbrögðum sendiherra Evrópusambandsins  (ESB) gagnvart Íslandi við því stefnumiði Sjálfstæðisflokksins að leita samstarfs við Alþjóðagjaldeyrissjóðinn um gjaldmiðilsskipti með augastað á evru. Fulltrúi ASG svaraði spurningu Stöðvar 2 um þessi mál á diplómatískan hátt og sagði, að málið yrði kannað, þegar það yrði tímabært. Percy Westerlund, sendiherra ESB, réðst hins vegar dólgslega á Sjálfstæðisflokkinn og af því alkunna yfirlæti, sem sendimenn Evrópusambandsins telja sér sæma að sýna stjórnmálaflokkum og heilum þjóðum, ef menn beygja sig ekki þegjandi undir Brusselvaldið.“

Björn segir Íslendinga hafa mætt þessari framkomu af hálfu embættismanna ESB strax eftir bankahrunið, þegar þeir gerðu Ísland að blóraböggli, vegna þess að tilskipun ESB um fjármálafyrirtæki dugði ekki til að tryggja öryggi í rekstri þessara fyrirtækja við lausafjárþurrð á heimsvísu. „Þá ákváðu þau Ingibjörg Sólrún Gísladóttir og Össur Skarphéðinsson, að ekki skyldi haldið fram lagalegum rétti Íslands gagnvart ESB heldur skoða málið frá pólitísku sjónarhorni. Nú er borin von, að Össur mótmæli þessari íhlutun sendiherra ESB í íslensk stjórnmál og innanlandsmál. Öll afskiptasemi Brusselvaldsins af íslenskum stjórnmálum er Samfylkingunni þóknanleg - það er hið pólitíska sjónarhorn Samfylkingar gagnvart Brusselvaldinu,“ segir Björn.

Tengdar fréttir

Alþingiskosningar 2009

Lítilsháttar lækkun á Wall Street

• Ekki hyggindi að slátra mjólkurkúnni
• Margt ágætt en ósammála um tvennt
• Trúi ekki að Samfylkingin láti stranda á ESB
• Allt upp á borð fyrir kosningar?

» Fleiri tengdar fréttir

• 18 blogg um fréttina

Bloggað um fréttina

• Finnur Bárðarson: Fólskuleg árás á mig
• Rögnvaldur Þór Óskarsson: Evra
• Stefán Friðrik Stefánsson: Skólabókardæmi um Brusselvaldið alræmda
• Rúnar Þór Þórarinsson: Lítum okkur nær!
• Haraldur Bjarnason: Dólgsleg árás á andstæðinga
• Skaz: Sannleikurinn dólgsleg árás?
• Freyr Hólm Ketilsson: Ert þú greindarskertur?
• percy B. Stefánsson: Hvað er í gangi Björn?
• Rakel Sigurgeirsdóttir: Er það ekki vel við hæfi?
• Axel Jóhann Hallgrímsson: Dólgar og dónar EBE.
• Hermann Óskarsson: Er það ekki dólgsháttur að ljúga að þjóðinni Björn?
• Ásgrímur Hartmannsson: Nei.
• Jón Árni Bragason: Dæmigerð hrokafull framkoma sendimanna ESB
• Jónas Tryggvi Jóhannsson: Er dónalegt að fá að ekki að blekkja þjóðina í …
• Auðun Gíslason: Enn bullar Bjössi!
• G. Valdimar Valdemarsson: Dólgsháttur að segja satt
• Runólfur Jónatan Hauksson: Hroki........
• Einar Guðjónsson: Afhverju er Björn svona tregur ??